O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
14 decembro 2009
O Venres 18, Sondeseu no Teatro Jofre de Ferrol
A Orquestra Sondeseu actúa en Ferrol dentro da programación de Nadal do Teatro Jofre, convenidada entre o Concello e Caixanova. Sondeseu prepara o seu novo traballo discográfico que será estreado en Madrid no mes de marzo antes d emprender unha xira de presentación polas cidades galegas. Están en marcha as xestións para a sinatura dun convenio que permitirá estreitar a colaboración entre a E-Trad e a Fundación Sondeseu e dará soporte a diversas actividades en común, incluíndo a participación dos mellores alumnos da escola na práctica profesional da Orquestra.
Subscribirse a:
Publicar comentarios (Atom)
Ningún comentario:
Publicar un comentario