O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
16 xaneiro 2010
Conferencia de Anxo Martínez sobre a indumentaria tradicional galega
O venres 15 de Xaneiro, visitounos Anxo Martínez, un dos máis sobranceiros investigadores e coñecedores da historia da indumentaria tradicional galega. Falounos durante dúas horas sobre unha pequena parte dos datos e clarificadoras conclusións ás que chegou trala minuciosa investigación que ven realizando desde hai anos sobre as prendas que vestían os galegos, neste caso da bisbarra de Compostela desde o S.XVII ata o XIX. Agardamos espectantes a publicación do traballo deste incansable investigador, que de seguro, fará capítulo isolado na bibliografía galega verbo da nosa indumentaria tradicional.
Subscribirse a:
Publicar comentarios (Atom)
Ningún comentario:
Publicar un comentario