Extraescolares e-Trad. Concerto do arpista Fred.B. Venres 16 de Abril

O arpista francés Fred Bougouin-Kramer, ofrecerá o vindeiro venres 16 ás 19h un concerto no Auditorio da e-Trad. O espectáculo leva o título de Electric-Concert. A entrada é libre e de balde ata completar aforo.

Algo sobre Fred B:
 nado en Poitiers en 1967, comezou a estudiar arpa aos 6 anos, e proseguiu ben cedo coa variante da arpa céltica. Mantivo sempre un gusto particular pola composición e a música electroacústica..
Gañador de premios de inprovisación e composición co seu instrumento, foi quen de desenvolver unha novidosa técnica interpretativa empregando uñas longas na man dereita e curtas na man esquerda. Asemade usa cordas metálicas e de nylon no mesmo instrumento.
Foi membro fundador da Asociación L´Herbe D´Or, compositor membro da SACEM e ten participado na produción de 11 traballos discográficos.