O martes 3 de Maio os mestres da e-Trad visitaron o IES "Álvaro Cunqueiro", instituto no que traballa Xaime Estévez Vila, mestre de etnografía durante algúns anos na nosa escola e polo que sentimos grande aprecio e admiración polo seu incansable labor no eido do ensino e da investigación arredor da música galega.
Os mestres puideron comprobar o alto coñecemento dos instrumentos da tradición musical galega e do folk. Agardamos repetir a experiencia o vindeiro ano e tamén ver a algún dos alumnos asistentes pola escola aprendendo algún dos instrumentos que aquí se ensinan.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario