O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
01 xuño 2011
A Orquestra Folk de Galicia "SondeSeu" en concerto. Vigo. Domingo 5 de Xuño no Centro S.R. e Cultural de Beade ás 21 horas.
A Orquestra Folk de Galicia "SondeSeu" tocará o vindeiro domingo 5 de xuño na parroquia viguesa de Beade co gallo da celebración da "Festa da Cereixa". Será ás 21 horas no Auditorio do Centro Social Recreativo e Cultural de Beade. Agardámosvos a todos os que vos apeteza pasar un rato entre a froita de orella e a música folk e tradicional peneirada polos dedos dos 40 músicos de "SondeSeu".
Subscribirse a:
Publicar comentarios (Atom)
Ningún comentario:
Publicar un comentario