Visualiza o vídeo "Percebeiros" (Sea Bites) premendo aquí
Dirixida por David Beriain este verán, con guión de Fernando Ureña e cun deseño do son, obra de Suso Ramallo, a curta: "Percebeiros" (Sea Bites) ven de ser incluída entre as nominadas para os premios Goya. Baseada nas vivencias do bravo percebeiro e músico dos Cempés: Serxio Cés. O documental logra transmitir toda a crueza épica dun oficio arriscado coma poucos.
A banda sonora vai asinada polo mestre de zanfona da e-Trad: Anxo Pintos quen nas dúas primeiras semanas de Agosto compuxo e gravou a música que acompaña a poderosa filosofía de vida de Serxio Cés e á rexa paisaxe dos cantís e rochas embestidas polo proceloso mar de Cedeira.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario