ETRAD. Escola Municipal de Vigo de Música Folk e Tradicional: EMAO e ETRAD celebran xuntas a chegada dos MAIOS

O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.

24 abril 2012

EMAO e ETRAD celebran xuntas a chegada dos MAIOS

Estudiantes da ETRAD e da EMAO están a celebrar de maneira conxunta a festa tradicional dos maios. O vindeiro venres 27 vaise rematar o maio tradicional que se ven confeccionando no patio do edificio, asemade están a se decorar portas e fachadas.

O vindeiro venres 27 de Abril de 17:00 a 18:00H , coa finalidade de que todo o mundo poida participar deste interesante evento, haberá un curso intensivo de cantares dos maios no salón de actos. Este curso precederá á mostra na escola e á saida do maio polas rúas da cidade.