O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
26 abril 2012
Galaxia ETRAD. Begoña Riobó e Xosé Liz o xoves 26 de abril no Salón Teatro de Compostela as 21hs con Riobó
En plena xeira de concertos presentando o seu primeiro traballo discográfico o quinteto "Riobó" participado polos mestres da ETRAD Begoña Riobó ao violín e Xosé Liz ao bouzouqui, fan escala no Salón- Teatro de Compostela hoxe xoves 26 de abril ás 21 horas. Xunto a eles, Nando Pérez as frautas, Fernando Barroso á guitarra acústica e Marcos Campos ás gaitas wistles e acordeón, ofrecerán un concerto que non defraudará a aqueles que gosten do folk máis acústico e virtuoso. Para non perdelo.
Subscribirse a:
Publicar comentarios (Atom)
Ningún comentario:
Publicar un comentario