O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
15 maio 2012
Galaxia ETRAD. A mestra da ETRAD Begoña Riobó nominada como mellor artista nos Premios Opinión. Na gala o director da ETRAD Rodrigo Romaní tocará a dúo con Susana Seivane
O mércores 16 de maio, coñeceranse os músicos galardoados nos Premios Opinión 2012, que na presente edición recolle tres categorías: mellor tema, mellor disco e mellores artistas. É nesta última onde está nominada a mestra da escola Begoña Riobó que o pasado ano estreaba coa súa banda o seu primeiro traballo discográfico, onde tamén participa Xosé Liz e Fernando Pérez membro de SDS.
Na gala haberá outra participación da escola, da man do director Rodrigo Romaní quen tocará a dúo coa gaiteira Susana Seivane. Éxito e boa fortuna para todos os nominados!
Subscribirse a:
Publicar comentarios (Atom)
Ningún comentario:
Publicar un comentario