A ETRAD amplía a súa oferta educativa no curso 2012-2013 coa posta en marcha das Aulas Abertas. Desde o día 1 ata o 15 de outubro, permanecerá aberto o prazo para inscribirse nas Aulas Abertas das especialidades instrumentais de: Arpa Céltica, Acordeón Diatónico, Banda de Gaitas, Coro, Corda Frotada, Corda Pulsada e Requinta, Grupo de Pandereteiras e Zanfona. Os requisitos indispensables son dispoñer do instrumento e posuir coñecementos técnicos e interpretativos previos.
Para formalizar a inscripción deberedes pasar pola secretaría da escola en horario de tarde
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario