O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
06 agosto 2013
2ª CONFERENCIA ENFO
Os vindeiros 16 , 17 e 18 de Agosto, dentro das actividades desenvolvidas pola Rede Europea de Orquestras Folk, Vigo vai acoller o 2º Encontro ENFO.
Novamente poderemos disfrutar na nosa cidade da música traída dende Finlandia e Italia pola "Sibelius Folk Big Band" e os membros de "Artemotiva", contando nesta ocasión tamén cos escoceses da "Royal Conservatoire of Scotland".
O concerto que vai ter lugar no Auditorio de Castrelos o domingo 18 vai ser o colofón de tres días ateigados de actividades véncellas á cultura musical dos catro países participantes neste encontro e as cales vanse desenvolver, en horario de mañán e tarde, en diferentes espazos do casco vello como a praza da Princesa ou a praza da Constitución, entre outros.
A participación dos alumnos da ETRAD será de vital importancia: a banda de gaitas, grupos de pandeireteiras e unha agrupación de violíns ofrecerán concertos e pasa rúas de música galega que se mesturararán coas distintas intervencións de rúa das orquestras da ENFO, facendo que o casco vello e a rúa Príncipe se convertan durante tres días nun fervedoiro de músicas europeas tradicionais.
Tódalas actividades serán de balde.
Subscribirse a:
Publicar comentarios (Atom)
Ningún comentario:
Publicar un comentario