O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
01 marzo 2014
A OFG SondeSeu obtén dúas nominacións aos Premios Opinión por "Danzas Brancas"
O venres 28 de febreiro déronse a coñecer os finalistas á XIII edición dos Premios Opinión, nos que se valoran o mellor traballo discográfico, mellor artista e mellor tema orixinal do ámbito da música folk galega. A OFG SondeSeu, dirixida por Rodrigo Romaní, mereceu segundo o xurado figuraren como candidata ao premio ao mellor traballo discográfico polo seu 4º traballo discográfico: "Danzas Brancas", e unha segunda nominación na categoría de mellor tema orixinal con "Sil lenzo" composto por Anxo Pintos.
A orquestra vencellada á ETRAD, repite nominación a mellor traballo nestes premios, logo de obter con "Barlovento" o premio a mellor álbum en 2011.
Subscribirse a:
Publicar comentarios (Atom)
Ningún comentario:
Publicar un comentario