Monográfico
impartido por Carlos Castro, profesor de percusión do Conservatorio Superior de Música de
Vigo e en colaboración co mesmo. Estará centrado nas técnicas de percusión
executadas con mans en diferentes instrumentos (panderos, panderetas etc) que
se tocan en diversos países do mundo. Moi interesante para percusionistas que
queiran sumar recursos percutivos.
Requerirase un nivel medio de instrumento.
O músico percusionista Carlos Castro imparte docencia en
Vigo dende o ano 87, actualmente no Conservatorio Superior.
Ten
colaborado en orquestras sinfónicas, bandas e grupos de rock, folk, jazz, etc.
Tamén participou como compositor e intérprete en música para publicidade,
teatro, cine e TV.
De
entre as case 70 gravacións feitas entre LPs e CDs, están a maioría dos grupos
actuais de música galega, así como 2 discos gravados polos alumnos do
Conservatorio.
Publicou
xunto a Sol Bordas "O Centro Integrado de Música" (Consello da
Cultura Galega), así como o libriño de arranxos de música popular "Catro
cancións para instrumentos de Láminas" (ed. Fundación Mayeusis),
“Caldeirada para 6” (ed. Periferia), unha metodoloxía para principiantes na
percusión “esto é percusión!” (ed. Dos Acordes) e “Maruxiña” para cuarteto de
percusión (Dos Acordes). Formou parte do grupo folk Fía na Roca, e participa con Xosé Manuel Budiño, os
grupos Martín Códax, Resonet e Meendinho de música antiga, a orquestra O.M.E.GA
de improvisación, a Banda Crebinsky e Catroventos (Fusión Urbana
Contemporánea).
Venres 31 de xaneiro de 2015
Conservatorio Superior de Música, Aula 37b
(Instrumentos da música tradicional).
16h a 19h
Número de prazas: 20
Créditos computables na ETRAD: 3h
Último día de
matriculación: 28 de xaneiro
Ningún comentario:
Publicar un comentario