Os estudiantes de conxunto instrumental 5 da ETRAD presentan no Conservatorio Profesional de Música de Vigo o repertorio composto e arranxado por eles durante estes dous últimos anos dentro do IV ciclo de concertos que organiza a citada institución musical. Será o mércores 29 de abril a partires das 20:00hs., baixo o nome que elixiron para a súa formación: "Con Ton Eu Son". Son: tres voces, violín folk, acordeón diatónico, requinta, gaita, arpa céltica, violín e percusión.
Con Ton Eu Son en concerto.
Conservatorio Profesional de Música de Vigo.
Mércores 29 de abril.
20:00 hs.
Entrada libre e de balde até completar aforamento.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario