O mércores 25 de maio
teremos o pracer de ter como visitantes na ETRAD a un grupiño de alumn@s da
Escola Municipal de Moraña. Veñen con ansias de coñecer unha escola que lle
adica todos os seus esforzos a ensinanza e divulgación da música tradicional e
folk. Ademais de visitar ás aulas e coñecer novos instrumentos, as nenas e
nenos de Moraña tocarán unha pequena audición no noso auditorio á que estades
tod@s convidadísimos. Unha tarde estupenda para promover a comunicación entre
as escolas de música tradicional e folk de Galicia e @s alumn@s que estudican
nelas.
A escola de música municipal de Moraña é pioneira na inclusión de
instrumentos da música popular na ensinanza regrada. Así, dende o ano
2013, ademais de poder cursar o estudio de instrumentos máis habituais
neste tipo de escolas como poden ser o saxofón ou o piano, os alumnos e alumnas
teñen a posibilidade de tocar a zanfona o acordeón diatónico ou o violín.
Acompañando a aula propia do instrumento e a de linguaxe musical, creouse unha
sorte de agrupación, co obxetivo de fomentar a paixón pola música en grupo, a
creatividade e a expresividade. Paralelamente a ensinanza semanal, organízanse
puntualmente cursos e concertos ( As Gonzalinhas, Germán Díaz, Bailes no
Cuartel...), o que permite levar á vila músicos e proxectos artísticos que lle
amosen ás crianzas tódalas potencialidades da creación artística.
Mércores 25 de maio de 2016
Auditorio Milladoiro
20:30h
Entrada libre ata completar aforamento
(limitado a cen persoas)
Ningún comentario:
Publicar un comentario