Logo de visitar os C.C. de Valadares, Bembrive e Matamá, a OFG SonDeSeu dirixida por Rodrigo Romaní, finaliza en Beade a súa xira de concertos de outono polos Centros Culturais da cidade baixo o patrocinio do Concello de Vigo .
O xoves 31 de outubro a partir das 20.00h., a orquestra nada na ETRAD, ofrecerá no centro cultural de Beade un concerto en formato acústico enchido en parte polo repertorio do seu último traballo, "Beiralúa", incluíndo tamén algúns dos temas máis destacados dos seus outros catro traballos discográficos. Será un bo xeito de celebrar o Día do Ensino. Agardámosvos!
OFG SonDeSeu. Xira de outono. Centros culturais de Vigo.
31/10/2019 ás 20.00h no C.C. de Beade
Entrada de balde ata completar aforamento
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario