Logo da estrea no C.C. de Atios esta fin de semana, Os Alicornios visitan na tarde de hoxe, luns 31 de maio, o IES Castelao nun concerto para os estudantes do centro. A vindeira cita será o 6 de xuño no C.V.C. de Valadares as 19 hs.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Ningún comentario:
Publicar un comentario
Nota: só un membro deste blog pode publicar comentarios.