Hoxe lembramos ao extraordinario e inclasificable cellista norteamericano, Rushad Eggleston quen no 2013 veu convidado pola Orquestra Folk SonDeSeu para o seu Concerto de Nadal da Universidade de Vigo. Rushad pasou pola escola para ofrecermos unha excitante e inspiradora clase maxistral. Se a perdiches, podes facerte unha idea do especial que foi neste vídeo-escolma:
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Ningún comentario:
Publicar un comentario
Nota: só un membro deste blog pode publicar comentarios.