O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
19 maio 2009
Vikas Tripathi evocou a música de Benarés no ciclo "As Músicas Inmigradas ´09"
O excelente tocador de táboa Vikas Tripathi levou á e-Trad o venres dia 15 de Maio, o son e a historia dunha música con máis de catro mil anos de antigüedade. Asemade puidemos escoitar como o tempo para formarse como músico abrangueu vinte anos da súa vida. Isto dános unha pista sobre a complexidade do sistema musical indio. Música e espiritualidade forman un todo que esixen do músico unha vocación para a que non todas as persoas están preparadas.
Logo da exposición e o concerto de Vikas, os alumnos da e-Trad compartiron escenario con el, fusionando melodías tradicionais galegas co son da táboa india. Ao final da tarde puidemos degustar a boa man de Vikas para a cociña Benaresí con dous especiados pratos vexetarianos.
O vindeiro venres 22 a partires das 18h o violinista polaco Piotr Grudzienp, ofrecerános un percorrido sonoro pola música elaborada no seu pais de orixe. Con este concerto rematará o 1º Ciclo "As Músicas Inmigradas ´09" organizado pola e-Trad.
Non volo perdades!
Subscribirse a:
Publicar comentarios (Atom)
Ningún comentario:
Publicar un comentario