ABERTOS PERIODOS DE MATRÍCULA PARA ALUMNADO E PREINSCRICIÓN PARA NOVO ALUMNADO E AULAS ABERTAS DESDE O LUNS 22 DE XUÑO.

      

                                                     ETRADVIGO. CURSO 2026-2027.

ABERTOS PERIODOS DE MATRÍCULA PARA ALUMNADO E PREINSCRICIÓN PARA NOVO ALUMNADO E AULAS ABERTAS DESDE O LUNS 22 DE XUÑO.

DE 4 A 7 ANOS

MÚSICA E MOVEMENTO

DENDE OS 8 ANOS

ARPA CÉLTICA, ACORDEÓN DIATÓNICO, CANTO POPULAR, CORDA PULSADA (GUITARRA E BUZUQUI), GAITA, PERCUSIÓN TRADICIONAL, REQUINTA, VIOLÍN FOLK, ZANFONA.

AULAS ABERTAS

ARPA CÉLTICA, ACORDEÓN DIATÓNICO, PANDERETEIRAS, CORO, CANTARES DE TROULA, CORDA PULSADA E REQUINTA, BANDA DE GAITAS E PERCUSIÓN, CORDA FROTADA, ZANFONA.

MATRÍCULA E PREINSCRICIÓN CURSO 2026-2027

ALUMNADO DE CURSOS ANTERIORES QUE PASAN A:*

• (1º no caso das especialidades con curso de iniciación ao instrumento CII) 
• 2º e 3º do Itinerario Básico 
• 2º e 3º do Itinerario Medio
• 2º e Curso de Especialización Escénica  (Itinerario Avanzado)

*NON HAI RESERVA DE PRAZA, TERÁN QUE MATRICULARSE DIRECTAMENTE.

PRAZO DE MATRÍCULA: DO 22 DE XUÑO AO 03 DE XULLO DE 2026

Precisarase efectuar o pago da matrícula a través de www.emmavigo.org e logo formalizar a matrícula (téñase en conta que no caso de baixa na escola, o importe da matrícula non é reembolsable).

PAGO DA MATRÍCULA

Unha vez na pasarela de pagos, será preciso introducir os datos persoais (nome e apelidos + dni) e sinalar o ciclo:

- Ciclo Básico: todo o alumnado de Nivel Básico

- Ciclo Medio: todo o alumnado de Nivel Medio + alumnado de 1º e 2º curso do Nivel Avanzado

- Ciclo Medio-Avanzado: o alumnado do Curso de Especialización Escénica (Avanzado 3)    

FORMALIZACIÓN DA MATRÍCULA

PRAZO: DO 22 DE XUÑO AO 03 DE XULLO DE 2026

PRESENCIAL

Para a formalización da matrícula, deberán presentar o xustificante de pago da mesma ou ben copia da presentación da solicitude de exención de taxas, en modelo normalizado e o impreso de matrícula debidamente cumprimentado, que pode solicitarse na secretaría ou descargarse da páxina web.

• Solicitude de exención de taxas: Do 22 de xuño ao 03 de xullo de 2026 nas oficinas do Concello.

• Horario de atención ao público de 11:00 h. a 14:00 h. de luns a venres (agosto pechado). Durante o mes de xuño atenderemos tamén pola tarde, en horario de 16 a 20 hrs.

 

ALUMNADO DE NOVO INGRESO e AULAS ABERTAS:

PREINSCRICIÓN:

• On line: www.emmavigo.org do 22 de xuño ao 4 de setembro de 2026. Impresos e toda a info sobre o curso en: www.etradvigo.com
• Presencial (na secretaría da ETRAD): do 22 de xuño ao 31 de xullo e do 1 ao 4 de setembro de 2026.
• Horario de atención ao público: de 11:00 h. a 14:00 h. de luns a venres (agosto pechado). En xuño tamén atenderemos pola tarde, en horario de 16 a 20 hrs.

• Publicación de listaxes de solicitantes: 09 de setembro

• Sorteo: 15 de setembro

• Probas para o Itinerario Medio: do 15 ao 18 de setembro

• Publicación de listaxes de admitidos: 23 de setembro.

• Matrícula: do 24 ao 30 de setembro.

• Solicitude de exención de taxas: do 24 ata o 30 de setembro de

2023 nas oficinas do Concello de Vigo.

• Comezo do vindeiro curso: 1 de outubro de 2026.

1ª ROMARÍA DA ETRAD NO PARQUE FORESTAL DO MONTE VIXIADOR. SÁBADO 27 DE XUÑO, A PARTIR DAS 12:00 HORAS.

 

1ª Romaría da ETRAD no Parque Forestal do Monte Vixiador

A ETRAD celebrará o vindeiro sábado 27 de xuño, a partir das 12:00 horas, a súa 1ª Romaría da ETRAD, unha xornada de convivencia dirixida a toda a comunidade educativa da escola para celebrar o remate do curso académico nun ambiente festivo e participativo.

O encontro terá lugar no Parque Forestal do Monte Vixiador e pretende converterse nun espazo para compartir música, experiencias e momentos de lecer entre alumnado, profesorado, familias e demais persoas vinculadas á ETRAD.

Co espírito das romarías tradicionais, anímase ás persoas asistentes a traer os seus instrumentos musicais, algo de comida para compartir e, sobre todo, ganas de cantar, bailar e desfrutar dunha xornada de convivencia arredor da música tradicional.

Esta iniciativa nace coa vontade de reforzar os vínculos da comunidade educativa e de celebrar colectivamente o traballo realizado ao longo do curso, nun entorno natural privilexiado e acorde cos valores de participación, cultura e transmisión do patrimonio musical que promove a escola.

Desde a ETRAD convidamos a toda a comunidade educativa a sumarse a esta celebración e a facer desta primeira edición unha cita especial para todas e todos.

Data: Sábado, 27 de xuño
Hora: A partir das 12:00 h
Lugar: Parque Forestal do Monte Vixiador

Agardámosvos!!!

TRAZA PECHA A SÚA XIRA DE CONCERTOS NO AUDITORIO MUNICIPAL DE VIGO. VENRES 26 XUÑO. 19:00 H.

 TRAZA pecha a súa xira de concertos no Auditorio Municipal de Vigo

O grupo TRAZA, formado por alumnado de segundo curso do Itinerario Avanzado da ETRAD, celebra a fin da súa xira de concertos coa actuación que ofrecerá para a comunidade educativa da ETRAD e para a cidadanía viguesa o vindeiro venres 26 de xuño, ás 19:00 h, no Auditorio Municipal de Vigo, con entrada libre e de balde.

TRAZA está integrado por:

Uxía Fernández — Voz e percusión
Xacobe López — Zanfona
Alba Domínguez Blanco — Requinta
Daniel Fernández Román — Guitarra acústica

Sobre TRAZA

TRAZA nace no 2026 en Vigo no seo da Escola Municipal de Música Tradicional e Folk ETRAD. O grupo xorde da confluencia de catro traxectorias singulares unidas por unha mesma convicción: a música tradicional galega non é un arquivo, senón un organismo vivo.

Formados na ETRAD, os seus integrantes incorporan a herdanza da tradición oral sen renunciar á exploración harmónica nin ao risco estético. O seu son gravita en torno á música modal, e os seus arranxos foxen do folklore de escaparate: constrúen texturas musicais onde a voz e a frauta dialogan co constante zoar do bordón da zanfona, mentres a guitarra acústica tece o ritmo harmónico.

Inspirados polo legado recollido nos arquivos e cancioneiros, o grupo pretende reactualizar a tradición conforme influencias que van desde o folk galego (Berrogüetto, Lizgairo, Os Cempés ou Tanxedoras) até a música folk e de raíz doutras latitudes (Lankum, Billy Strings, Doc Watson, John Doyle), pasando así mesmo por outras manifestacións como a música posmoderna e a experimentación contemporánea.

AUDICIÓN DE FIN DE CURSO 2025-2026. Auditorio Municipal de Vigo. Martes 23 de xuño. 18:00 h. Entrada libre e de balde ata completar capacidade.

 

Na ETRAD despedimos o curso 2025-2026 cun dos momentos máis especiais do ano: a nosa tradicional Audición de Fin de Curso, que terá lugar o vindeiro martes 23 de xuño, ás 18:00 horas, no Auditorio Municipal de Vigo.

Será unha celebración da música, da aprendizaxe e do traballo compartido ao longo destes meses. O alumnado das especialidades de Arpa Céltica, Acordeón Diatónico, Canto Popular, Corda Pulsada, Gaita, Percusión Tradicional, Requinta, Violín Folk e Zanfona, xunto coas aulas de Música e Movemento, os Conxuntos Instrumentais e as Aulas Abertas, compartirán co público unha mostra do repertorio e das experiencias musicais desenvolvidas durante o curso.

A audición reunirá no escenario a centos de alumnas e alumnos de todas as idades, protagonistas dun proxecto educativo que medra cada ano arredor da música tradicional galega e da música folk.

Convidámosvos a acompañarnos nesta gran festa de fin de curso, unha oportunidade para celebrar o esforzo, a ilusión e o talento da comunidade educativa da ETRAD.

AUDICIÓN DE FIN DE CURSO 2025-2026
📍 Auditorio Municipal de Vigo
📅 Martes 23 de xuño
🕕 18:00 h
🎟️ Entrada libre e de balde ata completar aforamento

Concertos de Fin de Estudos da ETRAD. Uxía Fereste (Canto Popular) Rubén Fernández (Gaita). Xoves 25 de xuño. Auditorio Municipal do Concello de Vigo. 19:00 h. Entrada libre ata completar capacidade

 

O vindeiro xoves 25 de xuño, a ETRAD continúa o ciclo de Concertos de Fin de Estudos con dúas propostas que amosan o talento, a personalidade artística e o percorrido formativo do seu alumnado.

Nesta ocasión subirán ao escenario Uxía Fereste (Canto Popular) e Rubén Fernández (Gaita), dous músicos cunha destacada traxectoria dentro e fóra da escola. Uxía Fereste chega a este concerto tras a súa participación en proxectos como a Orquestra Folk de Galicia SonDeSeu, Síncopes e Fillas de Casandra. Pola súa banda, Rubén Fernández desenvolveu o seu traballo artístico en formacións como a OFG SonDeSeu e o grupo Arrorró.

Os Concertos de Fin de Estudos constitúen unha oportunidade única para coñecer as
propostas musicais creadas expresamente para esta ocasión, nas que o alumnado comparte co público o resultado dun intenso proceso de aprendizaxe, investigación e creación.

CONCERTOS DE FIN DE ESTUDOS

Uxía Fereste (Canto Popular)
Rubén Fernández (Gaita)

📅 Xoves 25 de xuño
📍 Auditorio Municipal do Concello de Vigo
🕖 19:00 h
🎟 Entrada libre ata completar capacidade

XORNADA DE PORTAS ABERTAS NA ETRAD. XOVES 18 DE XUÑO. 18:00HS.

 

Xornada de Portas Abertas na ETRAD. Xoves 18 de xuño. 18:00hs.

A Escola Municipal de Música Folk e Tradicional de Vigo (ETRAD) abre as súas portas para que nenos, nenas, mozos, mozas e persoas de todas as idades, xunto coas súas familias, poidan descubrir de primeira man a súa oferta educativa e achegarse ao mundo da música tradicional galega.

Esta xornada é unha oportunidade única para coñecer os instrumentos, conversar co profesorado e probar diferentes disciplinas musicais nun ambiente próximo, participativo e totalmente gratuíto.

Oferta educativa:

De 4 a 7 anos
Música e movemento

A partir de 8 anos
Arpa céltica
Acordeón diatónico
Canto popular
Corda pulsada (guitarra e bouzouki)
Gaita
Percusión tradicional
Requinta
Violín folk
Zanfona

Información da xornada
Lugar: Auditorio Milladoiro da ETRAD

Data: 18 de xuño de 2025

Horarios

18:00 h: Recepción das persoas asistentes e mostra dos instrumentos por parte do profesorado.
18:30 h – 20:00 h: Proba libre de instrumentos nas aulas co acompañamento do profesorado.

Se sempre quixeches aprender música tradicional, este é o momento perfecto para dar o primeiro paso. Agardámoste para compartir unha tarde chea de música, descubrimento e tradición.

CONCERTO DE FIN DE ESTUDOS CLAUDIA ABRIL (CANTO POPULAR) MÉRCORES 17 XUÑO 19:00H. AUDITORIO MILLADOIRO. ENTRADA LIBRE ATA COMPLETAR AFORAMENTO. ETRADVIGO 2025-2026

O vindeiro mércores 17 de xuño Claudia Abril (Canto Popular) ofreceranos o seu concerto de fin de estudos no Auditorio Milladoiro da ETRAD a partir das 19:00h. Claudia vén de gañar o Premio Martín Códax coa súa formación "Abril" que partilla con Marina Carpente, na categoria de Música Folk.

Non deixedes pasar a ocasión de escoitala neste concerto único preparado para a ocasión.

CONCERTO DE FIN DE ESTUDOS.

CLAUDIA ABRIL (CANTO POPULAR).

AUDITORIO MILLADOIRO.

MÉRCORES 17 XUÑO.

19:00H.

ENTRADA LIBRE ATA COMPLETAR CAPACIDADE.

ETRADVIGO 2025-2026.

BAILE DAS ANDURIÑAS. Patio da Escola. Venres 12 de xuño. De 17 a 19 hs. Entrada libre e de balde ata completar aforamento. EXTRAESCOLARES ETRADVIGO 2025-26

 

O venres 12 de xuño celebramos unha nova edición do Baile das Anduriñas na escola. Teremos un palco aberto onde alumn@s e/ou músicos de fora da escola poderedes subir a tocar coa única premisa de que as pezas a interpretar sexan bailables (dá igual a procedencia: muiñeiras, xotas, xigas, reels, scottish, branles, bourrés, ...)para que o resto d@s asistentes bailen. Contaremos coa colaboración da A.C Monteira con Suso Cancelas á fronte. Os grupos musicais que queran participar teñen que comunicarllo previamente ax mestrx da túa especialidade e na oficina se vés de fóra .

Elixe parella (ou non) e salta ao torreiro!!!

Baile das anduriñas

Patio da Escola

Venres 12 de xuño

De 17 a 19 hs.

Entrada libre e de balde ata completar aforamento.

EXTRAESCOLARES ETRADVIGO 2025-26

EXTRAESCOLARES ETRAD 2025-26. AUDICIÓN AULA DE VIOLÍN. HEMEROTECA DA EMAO. VENRES 12/XUÑO. 16:OOH. ENTRADA LIBRE E DE BALDE ATA COMPLETAR AFORAMENTO.

 

O vindeiro venres 12 de xuño, a Aula de Violín da ETRAD co seu mestre, Alfonso Franco á fronte, celebra unha audición na Hemeroteca da EMAO desde as 16:00h. Non deixedes pasar a oportunidade de ver e de escoitar as músicas aprendidas polos estudantes desta especialidade ao longo deste curso.

EXTRAESCOLARES ETRAD 2025-26. 

AUDICIÓN AULA DE VIOLÍN. 

HEMEROTECA DA EMAO.  

VENRES 12/XUÑO. 

16:OOH.

ENTRADA LIBRE E DE BALDE ATA COMPLETAR AFORAMENTO.

EXTRAESCOLARES ETRADVIGO 2025-26. AUDICIÓN DA AULA DE ZANFONA. MARTES 02 / XUÑO. AUDITORIO MILLADOIRO. 19:30HS. ENTRADA LIBRE E DE BALDE ATA COMPLETAR AFORAMENTO

 

O vindeiro martes 02 de xuño, o alumnado da Aula de Zanfona da ETRAD ofreceranos unha audición no Auditorio Milladoiro dende as 19:30hs. para a que elixiron un repertorio centrado na nosa música tradicional con alguna pequena incursión nos repertorio europeos e do pasado barroco e renacentista do instrumento. Estades todxs convidadxs!

EXTRAESCOLARES ETRADVIGO 2025-26.

AUDICIÓN DA AULA DE ZANFONA. 

MARTES 02 / XUÑO. 

AUDITORIO MILLADOIRO. 

19:30HS.

ENTRADA LIBRE E DE BALDE

ATA COMPLETAR AFORAMENTO

EXTRAESCOLARES ETRADVIGO 2025-2026. Musicalización de cine mudo. Alfonso Franco. 08/ 22/ 29/MAIO de 2026 AULA 5. De 16:00h: a 19:00h.

A ETRADVIGO presenta un novo curso:

Musicalización de cine mudo impartido polo mestre, Alfonso Franco.

Musicalizar unha película de cine mudo non só supón a mera interpretación de unha serie de obras musicais. Os intérpretes teñen que saber escoller melodías axeitadas ao clima de cada escena, pero tamén acompañar con todos os recursos do seu instrumento as accións dos actores en cada plano, rescatándoos do escravizante silencio do cine dos anos 20.

Aprenderemos os recursos básicos á hora de musicalizar películas de cine mudo traballando sobre un fragmento da película, “Rosiña flor de Galicia” de 1926,  poñendo en práctica distintos recursos musicais dende a base da súa capacidade para crear emocións.

Imprescindible que o alumnado aporte o seu instrumento.  

 

EXTRAESCOLARES ETRADVIGO 2025-2026.

Musicalización de cine mudo.

Alfonso Franco.

08/ 22/ 29/MAIO de 2026

AULA 5.

De 16:00h: a 19:00h.

Prezo: 28,15 EUR

Gratuíto para o alumnado matriculado nos itinerarios medio e avanzado da ETRAD

 

EXTRAESCOLARES ETRADVIGO 2025-26. CURSO DE INICIACIÓN Á HARMÓNICA. ALEJANDRO BALBUENA. VENRES 10/17/24 ABRIL 2026.

 Aprácenos presentarvos un novo curso de ampliación de estudos: Monográfico de iniciación a harmónica aplicado á música tradicional galega. Técnicas básicas para aprender distintos acompañamentos e melodías. Imprescindible aportar instrumento (harmónica diatónica estilo "blues" de 10 furados afinada en Dó maior (C).) 

EXTRAESCOLARES ETRADVIGO 2025-26

Curso de Iniciación á Harmónica.

Alejandro Balbuena.

AULA 5. DE 16:00 A 19:00 HS

Venres 10/17/24 Abril 2026.

Inscrición universal na secretaría da escola ata o 10 de abril.

Gratuíto para o alumnado dos itinerarios Medio e Avanzado.

CURSO: Recursos para Arpa na música tradicional. Bea Martínez. 16, 23 e 30 de xaneiro de 2026. Extraescolares ETRADVIGO 2025-26.

 Este curso que imparte a mestra, Bea Martínez, explora as posibilidades da arpa céltica como ferramenta de arranxo e interpretación na música tradicional galega. Traballaremos diferentes recursos técnicos e estilísticos que permiten adaptar e enriquecer melodías tradicionais coa arpa. Abordarase o uso da ornamentación, a construción de acompañamentos e a creación de arranxos persoais sobre pezas do repertorio galego. 

 EXTRAESCOLARES ETRADVIGO 2025-26

CURSO: Recursos para Arpa na música tradicional.

Bea Martínez.

16, 23 e 30 de xaneiro de 2026.

Aula 5. De 16 a 19h.

Inscrición universal ata o 16/XAN na secretaría da escola

Prezo: 28,15 EUR

Gratuíto para o alumnado matriculado nos itinerarios medio e avanzado da ETRAD

CURSO: REGRAXE E MANTEMENTO DOS INSTRUMENTOS DA PERCUSIÓN TRADICIONAL GALEGA. CHUCO ESTÉVEZ. 09XAN, 06FEB, E 27/MAR. EXTRAESCOLARES ETRADVIGO 2025-26

Chuco Estévez, mestre de percusión da ETRAD, imparte este curso práctico no que aprenderemos como manipular e manexar os diferentes instrumentos de percusión da música tradicional para o seu mantemento e, no seu caso, a súa pequena reparación ou axuste. 

-EXTRAESCOLARES ETRADVIGO 2025-26

- CURSO: Regraxe e mantemento dos instrumentos da percusión tradicional galega.

- Chuco Estévez

-Aula 5

- 09 de xaneiro, 06 de febreiro e 27 de marzo de 2026. 

Inscrición universal ata o 09/XAN na secretaría da escola

Prezo: 28,15 EUR

Gratuíto para o alumnado matriculado nos itinerarios medio e avanzado da ETRAD

EXTRAESCOLARES ETRADVIGO 2025-26. AUDICIÓN DE NADAL. AUDITORIO MUNICIPAL DE VIGO. VENRES 19/DEC. 18:00HS

O vindeiro venres 19 de decembro, celebraremos a tradicional Audición de Nadal da ETRAD. Será no Auditorio Municipal de Vigo ubicado na Praza do Rei. Desde as 18:00hs, os estudantes das especialidades de Arpa Céltica, Acordeón Diatónico, Canto Popular, Corda Pulsada, Gaita, Percusión Tradicional, Requinta, Violín Folk e Zanfona, xunto ao alumnado dos Conxuntos instrumentais e as Aulas Abertas encherán o palco coas melodías e cantigas aprendidas ao longo deste primeiro trimestre.

Agardámosvos!

EXTRAESCOLARES ETRADVIGO 2025-26. 

AUDICIÓN DE NADAL. 

AUDITORIO MUNICIPAL DE VIGO. 

VENRES 19/DEC. 

18:00HS

ENTRADA LIBRE E DE BALDE ATA COMPLETAR AFORAMENTO

Curso de Tin Whistle. Xosé Liz. 05 e 12 de decembro de 2025. EXTRAESCOLARES ETRADVIGO 2025-26

Neste monográfico sobre o Tin Whistle impartido por Xosé Liz, abordaranse a descripción, contextualización, audicións, técnica, trucos e repertorio deste instrumento irlandés. Aprenderanse varios temas incidindo na técnica a empregar e o estilo do instrumento. Imprescindible instrumento. 

Curso de Tin Whistle.

Xosé Liz.

05 e 12 de decembro de 2025.

EXTRAESCOLARES ETRADVIGO 2025-26

EXTRAESCOLARES ETRADVIGO 2025-26. CURSO PRÁCTICO DE BODHRÁN. Xaquín Xesteira. 21//28 NOV, 05/XUÑO.

 

Presentamos un novo monográfico de ampliación de estudos.

CURSO PRÁCTICO DE BODHRÁN impartido polo mestre Xaquín Xesteira, no que se traballarán, nas dúas primeiras sesións, os ritmos base dos xéneros máis importantes da música tradicional irlandesa. Na última clase mesturaremos eses ritmos base con outras combinacións dentro de cada xénero. Cada alumno debe aportar instrumento propio.

CURSO DE AMPLIACIÓN DE ESTUDOS

Curso de Bodhrán

Xaquín Xesteira

21/NOVEMBRO, 28/NOVEMBRO, 05/XUÑO.

AULA 5. 

16:00-19:00h.

Inscrición universal ata o 21 de novembro na secretaría da escola.

Prezo: 28,15 EUR.

Gratuito para o alumnado de Nivel Medio e Avanzado

FESTA DE OUTONO. MAGOSTO NO PATIO DA ESCOLA. VENRES 14/NOV. DE 17:00H A 19:00H. EXTRAESCOLARES ETRADVIGO 2025-26

 

Na ETRAD celebramos festa de  outono cun magosto!!

Será o vindeiro venres 14 de novembro de 17:00h a 19:00h no que convertiremos o patio da escola nun palco aberto con pista de baile incluída e unha mesa de merendas.

Convidamos a toda comunidade da ETRAD e tamén á da EMAO a que vos sumedes á festa traendo instrumento, corpo para o baile e tamén por suposto, castañas previamente asadas, chulas, etc.

Para tocar no palco aberto, poñedevos en contacto coa secretaría da escola para entrar na listaxe.

Quedades todxs moi convidadxs!  

Seguro que non chove... imos cruzar os dedos. :)

 

EXTRAESCOLARES ETRADVIGO 2025-26. 

MAGOSTO 

PATIO DA ESCOLA. 

VENRES 14/NOV. DE 17:00H A 19:00H

ENTRADA LIBRE E DE BALDE ATA COMPLETAR AFORAMENTO

ETRADVIGO. Matrícula Extraordinaria. Curso 2025-26. Aberto prazo de preinscrición do 08/OUT ao 14/OUT.

 Música e Movemento,Arpa Céltica, Acordeón Diatónico. Canto Popular, Corda Pulsada, Gaita, Percusión Tradicional, Requinta, Violín, Zanfona.

Do 08 ao 14/OUT tes a oportunidade de matricularte na ETRADVIGO aproveitando o prazo de Matrícula extraordinaria que abrimos esta semana. A formalización será presencial na secretaría da escola. R/ García Barbón. 1.

Podes consultar toda a info sobre os cursos, horarios e especialidades da ETRAD na nosa web:

etradvigo.org curso 2025-26

CONCERTO DE APERTURA DO CURSO 2025-2026. RURALSÓNS. MESTRXS DA ETRAD. MÉRCORES 08/OUT. 20:00 H. AUDITORIO MUNICIPAL. ENTRADA DE BALDE.

 Concerto de Apertura do Curso 2025-2026

A Escola Municipal de Vigo de Música Folk e Tradicional ten o pracer de convidar á comunidade educativa da escola e á cidadanía viguesa ao Concerto de Apertura do curso 2025-2026, que se celebrará o mércores 8 de outubro, ás 20:00 h, no Auditorio Municipal (Edificio do Concello).

RURALSÓNS é o título do concerto, que contará coa participación musical d@s mestr@s da ETRAD e coa proxección dos vídeos de Casa Gallinitas, inspirados nas músicas e sons do ciclo anual.

Un encontro aberto a toda a veciñanza para celebrar, do xeito máis musical, o comezo dun novo curso na nosa escola.

Concerto de Apertura ETRAD 2025-2026
-  Mércores 08/OUT
-  20:00 h
-  Auditorio Municipal (Edificio do Concello)
- Entrada libre e de balde ata completar aforamento