O martes 31 de Maio a e-Trad visitou o Colexio Alba dentro do ciclo divulgativo "Tocar é Sentir", organizado pola Concellería de Educación do Concello de Vigo. Foi a última das 24 visitas realizadas no presente ano escolar aos centros educativos da bisbarra viguesa e da que se beneficiaron máis de 1300 escolares entre alumnos de primaria e secundaria.
Logo do entusiasmo percibido, agardamos que neles prendera a mecha do gusto pola música tradicional e folk e velos pola escola nalgunha das 9 especialidades instrumentais que nela se imparten.
Queremos agradecer a boa acollida deste ciclo pola comunidade educativa da cidade e esperamos repetir este ciclo "Tocar é Sentir" o vindeiro ano académico.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario