O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
03 outubro 2011
Aberto o prazo de inscripción para as Aulas abertas da e-Trad
Do 3 ao 16 de outubro está aberto o prazo para inscribirse nas aulas abertas de instrumento que oferta este ano a e-Trad. Os requisitos para formalizar a inscripción, tanto se xa és alumno da escola como se non, son: ter nove anos ou máis, posuir instrumento propio e ter un mínimo de competencias demostrables no manexo do mesmo. Para inscribirte debes acudir á secretaría da escola en horario de tarde. As especialidades nas que se abre a Aula aberta son: Banda de gaitas, coro, zanfona, corda frotada, acordeón diatónico, corda pulsada e requinta, harpa céltica e percusión.
