O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
20 decembro 2011
AUDICIÓN DE NADAL. Xoves 22 de Decembro. 18 horas. Salón de actos da e-Trad
Chega o nadal, e con el a primeira das audicións na escola, que pon o remate a este primeiro trimestre do curso no que andamos.
Polo escenario do salón de actos pasarán os alumnos de todas as especialidades instrumentáis da e-Trad: Arpa Céltica, Acordeón Diatónico, Canto Popular, Corda Pulsada, Gaita, Percusión Tradicional, Requinta, Violín Folk e Zanfona. Tamén mostrarán o seu traballo os alumnos do Rancho de Reis, Conxunto 4, e os de Coro e Conxunto de corda frotada.
Será este xoves 22 de Decembro a partires das 18 horas no salón de actos da e-Trad. Non faltedes e que teñades un moi Bo Nadal!
Subscribirse a:
Publicar comentarios (Atom)
Ningún comentario:
Publicar un comentario