Non esquezades que o Venres 17 quedamos a partires das cinco na escola para decidir as coplas que imos cantar, darlle unha voltas todos xuntos e saír á rúa a festexar o Entroido. Traede instrumentos e se vindes de choqueiros, mellor!!
Podedes engadir máis coplas ate o Venres pola mañan, nas publicadas ata agora falta moito "escarnio e maldicir", así que a ver si vos poñedes un pouco máis "acedos", que estamos no Entroido...
Esta é unha actividade aberta a todos, sexan ou non da e-Trad.
Imos estar de pasarúas ate as tantas, así que si chegades máis tarde estaremos de foliada por Vigo adiante.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
14 febreiro 2012
Subscribirse a:
Publicar comentarios (Atom)
Ningún comentario:
Publicar un comentario