O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
04 xuño 2012
NOVAS ETRAD. Especial ENFO no último número da revista Sons da Galiza
A revista Sons da Galiza, editada polo fotógrafo Óscar Martínez Rodríguez, ven de sacar un novo número no que aparece destacado o último encontro da Rede Europea de Orquestras Folk (ENFO) na cidade de Vigo. Nel poderedes enterarvos de todos os pormenores e do traballo desta rede durante os tres anos de funcionamento da mesma e, en especial, do acontecido no encontro olívico que contou co patrocinio do Concello de Vigo. Este encontro, tivo no seu concerto final, un excepcional remate con máis de 120 músicos en escea e un auditorio "Mar de Vigo" ateigado polos 1400 asistentes que puideron disfrutar dos sons das músicas tradicionais europeas do Piamonte, de Finlandia e Galicia, da man da Orquestra TradAlp, da Sibelius Academy Big Band e da OFG SonDeSeu. preme no enlace para ollala: Sons da Galiza
Subscribirse a:
Publicar comentarios (Atom)
Ningún comentario:
Publicar un comentario