O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
23 xaneiro 2013
GALAXIA ETRAD. A OFG SONDESEU EN CONCERTO. TEATRO COLÓN. A CORUÑA. SÁBADO 26 DE XANEIRO. 20:30 HS
O sábado 26 de Xaneiro a OFG SondeSeu achegarase ao Teatro Colón de A Coruña para mostrar o repertorio do seu último traballo discográfico: "Barlovento", (premio Opinión ó mellor disco do ano e premio da Crítica de Galicia). A orquestra ofrecerá tamén un bo adianto do repertorio que formará parte da súa próxima produción. Unha ocasión irrepetible para ver en escea a unha formación sen igual na escea do folk galego. Podedes conseguir as entradas aquí: entradas SDS Colón. Para non perder!
Subscribirse a:
Publicar comentarios (Atom)
Ningún comentario:
Publicar un comentario