O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
30 decembro 2019
A ETRAD PARTICIPA NOS ACTOS DO NADAL DO CONCELLO DE VIGO COAS AGRUPACIÓNS DE ZANFONA, CORDA FROTADA E A BANDA DE GAITAS.
A ETRAD está presente nas festas de nadal de Vigo coa participación da banda de gaitas e das agrupacións orquestrais das aulas de zanfona e de corda frotada. Organizados polo Concello de Vigo, os vigueses e visitantes puideron escoitar o pasado 22/12 a orquestra de zanfonas e o 27/12 foi a orquestra de corda frotada a que se subiu ao palco na Praza da Pedra. O vindeiro día 04/01, a Banda de gaitas da ETRAD ofrecerá un pasarrúas dentro do desfile da cabalgata de reis.
Subscribirse a:
Publicar comentarios (Atom)
Ningún comentario:
Publicar un comentario