Divulgativos e-Trad. Arranca o ciclo "Tocar é Sentir" polos colexios e institutos da bisbarra de Vigo

O dia 2 de Novembro de 2010 os mestres da e-Trad comezamos as visitas aos centros educativos de primaria e secundaria da bisbarra viguesa. Cando remate o curso escolar os divulgativos terán chegado a un total de 3.000 alumnos de todos os centros aos que nos achegaremos.  A primeira visita correspondeulle ao CEIP Emilia Pardo Bazán. A través dun conto, os alumnos foron coñecendo os instrumentos que impartimos na escola. Como remate, todos puideron tocar todos os instrumentos presentados. Na foto un detalle do bo xeito ao coller as culleres dun dos alumnos participantes.