O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
21 marzo 2012
Vigo acollerá os actos de peche da Rede Europea de Orquestras Folk
O alcalde, Abel Caballero, presentou este martes o I Festival ENFO, que terá lugar do 5 ao 7 de abril en Vigo, cidade que lidera esta Rede Europea e na que estarán presentes centris de prestixio procedentes de Finlandia, Italia e Escocia. Para Caballero, a implicación da e-Trad e da Fundación Sondeseu neste proxecto, que naceu hai dous anos, significaba a "crónica dun éxito anunciado" e invitou á cidadanía a participar nos actos programados.
Abel Caballero cualificou de "excepcional" este proxecto europeo que Vigo lidera, xurdido hai dous anos da iniciativa municipal co obxectivo de aunar os centros de música tradicional que integran o folk.
A idea parte de Vigo, a través da escola municipal e-Trad e a Fundación Sondeseu, quen consigue aglutinar na Rede Europea de Orquestras Folk (ENFO, na súa denominación en inglés) á Associazione Artemotiva establecida en Turín, á Royal Conservatoire os Scotland e á Sibelius Academy de Helsinki.
Despois de distintas actividades realizadas por Europa, Vigo acollerá do 5 ao 7 de abril a programación de peche deste programa continental, con presenza na rúa, clases maxistrais, obradoiros e concertos no auditorio municipal. O fin de festa celebrarase cun gran espectáculo no Auditorio Mar de Vigo, o sábado día 7 ás 20 horas, coa participación de todas as orquestras integradas na ENFO.
Subscribirse a:
Publicar comentarios (Atom)
Ningún comentario:
Publicar un comentario