EXTRAESCOLARES ETRAD. 1ª AUDICIÓN DE XUÑO. VENRES 31 DE MAIO. 18 HORAS. AUDITORIO MILLADOIRO

O venres 31 de maio os alumnos das aulas de acordeón diatónico, canto popular, gaita e percusión ofrecerán a primeira das dúas audicións a celebrar no último trimestre do ano escolar. Unha boa ocasión para desfrutar do intenso traballo levado a cabo neste curso por todos eles.

1ª Audición de xuño
Datas: venres 31 de maio.
Lugar: ETRAD. Auditorio Milladoiro.
hora: 18 horas.
Entrada libre e de balde ata completar o aforo.

O Anteproxecto de Modificación da Lei de Propiedade Intelectual: un novo atentado contra a dignidade dos autores e músicos

O anteproxecto de modificación da Lei de Propiedade Intelectual que manexa o goberno constitue un novo aldraxe á cultura e á profesión dos creadores liberalizando a xestión de dereitos para que as entidades con ánimo de lucro podan facer negocio coa protección dos dereitos dos creadores. Aquí tes dez motivos que xustifican a fonda preocupación do sector.

GALAXIA ETRAD. Rodrigo Romaní faise cun dobrete nos Premios Opinión

O prestixioso músico, director da ETRAD e da Orquestra Folk SondeSeu, Rodrigo Romaní, fíxose con dous dos tres galardóns concedidos na noite do venres 24 na gala da XII edición dos Premios Opinión.
Foi nas categorías de Mellor Canción con "Terra de Melide" e Mellor Artista. Compositor e responsable de numerosas producións, a finais do pasado ano editaba "As Arpas de Breogán". Centrado no instrumento co que máis se identificou na súa carreira e polo que aparecía nominado nas tres categorías que conceden estes premios centrados na música Folk. O grupo Luar na Lubre obtivo o premio ao mellor traballo discográfico por "Mar Maior".
Na ETRAD congratulámonos co recoñecemento ao talento deste músico co que temos a honra de compartir traballo e proxectos, e felicitamos aos compañeiros premiados e finalistas, exemplo do amplo espectro creativo presente na música folk do noso país.

GALAXIA ETRAD. Rodrigo Romaní, nominado aos premios Opinión en todas as súas categorías por "As Arpas de Breogán"

O músico Rodrigo Romaní aparece nominado nas tres categorías que contemplan a XII edición dos "Premios Opinión" aos artistas e traballos discográficos no ámbito da música folk galega. O arpista e director da ETRAD, editaba o pasado ano "As Arpas de Breogán". Un álbum onde a súa creatividade e talento orbitan arredor do instrumento que o acompaña desde os inicios da súa carreira.
Os galardoados daranse a coñecer a noite do venres 24 de maio. Agardamos a mellor das sortes ao noso mestre e a todos os músicos nominados na presente edición.

EXTRAESCOLARES ETRAD. AUDICIÓNS DE XUÑO. VENRES 31 DE MAIO E 7 DE XUÑO. 18 HORAS. AUDITORIO MILLADOIRO

Os venres 31 de maio e 7 de xuño, terán lugar da ETRAD, as audicións do terceiro trimestre. Polo escenario do Auditorio Milladoiro desfilarán os alumnos das nove especialidades instrumentais da escola: arpa céltica, acordeón diatónico, canto popular, corda pulsada, gaita, percusión, requinta, violín e zanfona. Xunto a eles participarán tamén os conxuntos instrumentais e as aulas abertas. A entrada é libre e de balde ata completar o aforo.

Audicións de xuño.
Datas: venres 31 de maio e 7 de xuño.
Lugar: ETRAD. Auditorio Milladoiro.
hora: 18 horas.
Entrada libre e de balde ata completar o aforo.

Oscar Ibáñez presenta o seu disco “ALÉN do MAR” . ETRAD, Venres 24 de Maio. 19,00h

Oscar Ibáñez presenta o seu primeiro traballo discográfico en solitario baixo o título “Alén do mar” (VIR, 2012). Neste disco o gaiteiro e frautista pontevedrés invítanos a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.

Venres, 24 de maio

19h no Auditorio Milladoiro

Entrada libre ata completar o aforo

A OFG SONDESEU EN CONCERTO. 18 DE MAIO. AUDITORIO MUNICIPAL DE CANGAS. 21 HORAS

O vindeiro 18 de maio, con motivo da celebración das Letras Galegas, o Auditorio Municipal de Cangas acollerá ás 21 horas, o concerto da  Orquestra Folk de Galicia, SondeSeu, unha das formacións máis importantes de Galicia por calidade interpretativa e pola forza dos seus directos.
No auditorio cangués, ademáis dos temas incluidos no seu último cd, Barlovento (premio La Opinión ao mellor disco de folk galego), daránse a coñecer algunhas pezas que o grupo vigués foi incorporando ao seu repertorio durante os últimos meses pero que aínda non están recollidas en disco compacto. O concerto, polo tanto, pódese considerar un avance do seu próximo traballo discográfico, que se agarda para finais deste ano.
Cómpre destacar tamén a participación no espectáculo dos bailadores da A.C.F. O Fiadeiro, que executarán coreografías deseñadas especialmente para as melodías de Sondeseu. Música e baile irán da man ao longo dun espectáculo de primeiro nivel ofrecido por dúas agrupacións plenamente consolidadas no panorama artístico e de impecable traxectoria por escenarios de Galicia e Europa. 

Concerto da OFG SondeSeu
Auditorio Municipal de cangas
18 de Maio
21:00 Hs.
Entradas á venda na ACF Tromentelo, Salasón, Cafetería O Tostadeiro,
e na billeteira do Auditorio (o mesmo día do concerto)
Prezo: 8 EUR anticipada. 10 EUR na billeteira

Clase Maxistral de Brittany Haas e Yann Falquett na ETRAD. Xoves 9 de Maio. 17 a 18hs. Entrada libre e de balde

ALBOROQUE NO CENTRO SOCIAL DE COIA

Grupo folk …

ALBOROQUE