O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
O vindeiro sábado 5 de abril, os estudiantes de conxunto 5º da ETRAD que conforman o grupo ContrAs Cordas, ofrecerán un concerto no local social: "Os Castros" organizado pola Asociación de Veciños "Nosa Terra" de Pereiras (Mos). Será ás 21 horas.
Ningún comentario:
Publicar un comentario