O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
31 xaneiro 2020
A OFG SonDeSeu en concerto. Braga. 8/FEB/2020. 22:00. Altice Forum Braga. Convidado: Daniel Pereira.
A Orquestra Folk de Galicia SonDeSeu será protagonista da Cerimonia de Apertura da Braga Capital da Cultura do Eixo Atlântico 2020. Será o vindeiro sábado 8 de febreiro no Altice Forum Braga en torno ás 22:00h hora portuguesa. O concerto de SonDeSeu contará cun convidado de excepción. O ilustre músico portugués, Daniel Pereira. Coa súa achega, a orquestra estreará un arranxo de Rodrigo Romaní sobre un vilancico da tradición oral portuguesa, A entrada é de balde.
Subscribirse a:
Publicar comentarios (Atom)
Ningún comentario:
Publicar un comentario