O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
05 maio 2020
NOVAS ETRAD. A OFG SonDeSeu grava en confinamento Mar de Vigo, nunha versión a 62 móbiles
Os músicos de SonDeSeu gravan o tema Mar de Vigo con 62 móbiles en pleno confinamento. O vídeo publicado o pasado venres 24 de abril na canle de YouTube da orquestra xestouse a semana anterior coa gravacións individuais usando unha guía de referencia. Non é casual a elección do tema escollido: Mar de Vigo, arranxado polo ser director e artífice da idea, Rodrigo Romaní e presente no 1º dos 5 traballos discográficos realizados ao longo dos seus 19 anos de historia. Un camiño que ten levado a esta formación, nada na nosa escola, a erixirse nun referente internacional no seu género.
Clica aquí para ires ao vídeo
Esta gravación supuxo tamén a estrea das novos músicos incorporados dende a ETRAD a algunhas das seccións da orquestra. Un debut tan inusual como ilusionante para todxs elxs e que supón que a orquestra viguesa supere na actualidade os 60 membros.
Desta iniciativa fixéronse eco varios medios de comunicación como La Voz de Galicia, siendo tamén nova cultural destacada do programa A Revista Fin de Semana da TVG.
Nova sobre a gravación de SDS de Jorge Lamas en La Voz de Galicia
SDS na Revista Fin de Semana da TVG
Subscribirse a:
Publicar comentarios (Atom)
Ningún comentario:
Publicar un comentario