Dende o 24 ata o 30 de setembro está aberto o prazo de matrícula para todos os alumnos admitidos no 1º curso de instrumento de nivel Básico e Medio, 1º curso de Nivel Avanzado (en caso de ter superadas as probas de acceso de setembro), 1º de Música e Movemento e Aulas Abertas de Coro, Banda de Gaitas, Corda Frotada e Zanfona.
Para formalizar a matrícula será imprescindible aportar:
• Impreso de matrícula cuberto e asinado
• Xustificante de pago das taxas de matrícula ou, no caso de solicitar a exención de taxas, unha copia da solicitude.
Efectuarase o pago na sede electrónica do Concello de Vigo, á que se pode acceder a través deste enlace. Para a SOLICITUDE DE EXENCIÓN: as persoas que desexen pedir a exención das taxas deberán pedir cita previa:
- Por teléfono: chamando ao 636 93 32 98 (teléfono habilitado para este fin)
- Por correo electrónico: mandando un correo a: ofi.educación@vigo.org
Ás persoas que contacten por algunha destas vías daráselles unha cita dentro do periodo habilitado (do 24 ao 30 de setembro), e logo deberán presentarse no horario que se lles indique na ventanilla nº 22 da lonxa do Concello, na Praza do Rei, coa documentación correspondente.
Podes acceder ao impreso para solicitar a exención, así como a ordenanza municipal que establece as condicións que debe reunir o solicitante para que se lle conceda nos enlaces adxuntos que aparecen abaixo.
Unha vez pagado, o importe da matrícula non é reembolsable.
Hai dúas vías de presentación da matrícula:
• Por correo electrónico dirixido a e-trad@vigo.org, que deberá incluir o impreso de matrícula cuberto, escaneado ou fotografiado + xustificante do pago das taxas (ou ben copia da solicitude de exención previamente presentada no Rexistro do Concello de Vigo) e unha fotografía actualizada en formato .jpg (pode ser unha foto tomada co móbil).
• Na secretaría da ETRAD de maneira presencial. Os que opten por esta modalidade deberán solicitar CITA PREVIA no tlf. 986 22 80 87. As persoas que soliciten a exención das taxas deberán levar o resgardo da solicitude. O impreso pódese solicitar na mesma Secretaría. O horario de atención ao publico será de 11:00 a 14:00 hrs., de luns a venres.
PRAZO: do 24 ao 30 de setembro. Non se admitirá ningunha solicitude a partir das 24:00 hrs. do día 30 de setembro de 2020.
Facer clique nos enlaces para descargar os documentos adxuntos:
Ningún comentario:
Publicar un comentario