O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
María Soliña, do compositor Nacho Mañá, estréase no Auditorio de Cangas os vindeiros 8 e 9 de Maio coas localidades esgotadas. Esta ópera nun so acto, conxuga a música contemporánea coa música folk cun libreto asinado por J.R. Bustamante. A direción está a cargo de Roc Vargas. Na interpretación estará a OSV 430 e contará como músicos convidados a Carmen Durán, o actor Lois Soaxe, o gaiteiro Anxo Lorenzo e o mestre de zanfona, Anxo Pintos entre outros.
Ningún comentario:
Publicar un comentario