Onte luns principiaron as aulas de intercambio entre a Escola Municipal de Música de Errentería e a ETRADVIGO na que Vanesa Castaño e o noso mestre, Xisco Feijoó, coordinador do intercambio pola ETRAD, amosaron os pasos básicos das danzas de Euskadi e Galicia. Oskar Estanga e o mestre Carlos Quintá fixeron o propio entre a trikitixa e o acordeón diatónico. Hoxe martes será a quenda dos instrumentos de percusión, aérofonos e máis violín e arpa céltica.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
11 maio 2021
EXTRAESCOLARES ETRAD 2020.21. Principiaron as aulas de intercambio entre a Escola Municipal de Música de Errentería e a ETRADVIGO. Hoxe martes 11 será a quenda dos instrumentos de percusión, aérofonos e máis violín e arpa céltica.
As aulas virtuais están abertas a todo o alumnado de ámbalas dúas escolas no seguinte enlace:
Este é o cadro cos contidos e horarios das aulas programadas:
Subscribirse a:
Publicar comentarios (Atom)
Ningún comentario:
Publicar un comentario