O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Os mestres da ETRAD Carlos Quintá (diatónico) e Xose Liz (Requinta e Corda Pulsada) estarán esta fin de semana do 22 e 23 de xaneiro no recuncho do ‘Xacobeo’ (Xunta de Galicia) en FITUR (Madrid), presentando ‘PEIXE’ o último traballo discográfico do tamén mestre de Canto Popular desta escola ‘Xisco Feijoó’. Un total de 10 intervencións en dous días dándolle un pulo á nosa música galega.
www.xiscofeijoo.gal
Ningún comentario:
Publicar un comentario