O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
O vindeiro mércores 14 de xuño o Coro ETRADIVARIUS da Aula Aberta de Coro da ETRAD, ofrécenos un concerto no patio da escola a partires das 20:15 amosándonos o repertorio aprendido ao longo deste curso no que nos convidarán a unha viaxe polo tempo e o espazo nunha volta musical ecléctica á par que entretida.
Vémonos aló!
Concerto do Coro Etradivarius (A.A. de Coro da ETRAD)
Mércores ás 20:15h no patio da escola
Entrada libre ata completar aforamento
Ningún comentario:
Publicar un comentario