O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
A Orquestra Folk de Galicia SonDeSeu, a formación viguesa na que participa o alumnado da asignatura de práctica orquestral da ETRAD, estrea o 2024 co Concerto de Reis de Ribadeo coa colaboración da Coral Polifónica de Ribadeo. Será na Igrexa Parroquial ás 20:45 hs. A entrada é de balde ata completar aforamento.
Orquestra Folk de Galicia SonDeSeu & Coral Polifónica de Ribadeo
Concerto de Reis de Ribadeo
Igrexa Parroquial
20:45
Entrada de balde ata completar aforamento
Ningún comentario:
Publicar un comentario