Neste monográfico impartido polo mestre de violín Alfonso Franco, os alumnos/as aprenderán e practicarán unha serie de recursos musicais de improvisación, dentro do ámbito da música folk, para poder empregar en diferentes momentos de participación musical grupal. Improvisación entendida como unha maneira creativa e divertida de comunicación.
Auditorio da e-Trad. Venres 30 de abril de 18h – 21h. Requisito: levar instrumento. Inscrición libre e gratuita na oficina da e-Trad (luns a venres de 16h-19h) ata o día 29 do mesmo mes.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Subscribirse a:
Publicar comentarios (Atom)
Ningún comentario:
Publicar un comentario