Por mor das circunstancias excepcionais relacionadas coa alerta sanitaria orixinada polo COVID19, dende a Escola Municipal de Vigo de Música Folk e Tradicional. ETRAD, seguiranse as disposicións e medidas preventivas postas en marcha dende o Concello de Vigo e as autoridades competentes en materia sanitaria.
En consecuencia, as clases suspenderanse e os espazos da Escola quedarán pechados ata novo aviso.
Lamentamos as molestias que esta situación poida ocasionar, tendo moi presente que se trata dunha decisión guiada pola prudencia e pola responsabilidade individual e colectiva. Estamos a preparar contidos e xeitos de manter parte da actividade vía e-learning. En breve teredes novas sobre como manter a actividade e o contacto co voso mestre a través do correo-e.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
Ningún comentario:
Publicar un comentario