Os estudantes de Conxunto do 2º curso do Itinerario Avanzado da ETRADVIGO comezan dende o vindeiro 29 de maio unha xira de concertos coordinada pola mestra Xela Conde, na que amosarán o seu traballo ao longo destes dous últimos anos de formación na asignatura de Conxunto. Titorizados polos mestres Begoña Riobó en Conxunto 4 e Xaquín Xesteira en Conxunto 5, os integrantes desta formación, foron deseñando un repertorio inzado de pezas da tradición galega arranxadas polos membros do conxunto, nas que se reflicte a variedade da súa aprendizaxe e dos seus gustos e experiencias.
OS ALICORNIOS é o nome elixido polo conxunto.
O Alicornio, como obxecto antigo, máxico e poderoso que inda hoxe en día son empragandos por algunhas familias herdado de xeración en xeración, dálle nome a este proxecto musical que atopa o poder e a ilusión nesta oportunidade de xuntarse no eido da escola.
OS ALICORNIOS SON:
Alejandro Fernández Novoa (percusión)
Yoli Maceira Orge (gaita).
Miki Watanabe (zanfona)
Mayka Alleres Franco (arpa céltica)
Samu Fernández Torre (violín)
Estas son as datas e emprazamentos dos concertos confirmados ata o de agora:
- Centro cultural de Atios: 29 de maio ás 20:30h
- IES Castelao: 31 de maio pola tarde (este concerto non é aberto)
- Centro Veciñal e Cultural de Valadares. 6 de xuño ás 19:00h
Ningún comentario:
Publicar un comentario