O 'trad' de Xisco Feijó, acompañado da súa banda na que militan os mestres da escola, Xosé Liz e Carlos Quintá, representará a Galicia xunto á música electrónica de Allova na carteleira de 'BIME City', o programa de concertos co que o encontro profesional Bizcaia International Musical Experience se estende a diferentes sedes de Bilbao entre o 27 e o 28 de outubro.
Un acordo entre a Xunta e a organización garantiu a presenza galega nesta iniciativa, que dá voz ao talento emerxente coincidindo cos primeiros días da novena edición de BIME PRO, unha das grandes citas anuais da industria musical.
O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
27 outubro 2021
Galaxia ETRAD. O mestre de canto, Xisco Feijoo no BIME PRO de Bilbao. 27, 28 OUT.
Subscribirse a:
Publicar comentarios (Atom)
Ningún comentario:
Publicar un comentario