O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
A ETRAD estará presente nesta Festa da Reconquista coa súa Banda de Gaitas e Percusións cos mestres Xaquín Xesteira e Chuco Estévez á fronte. Non vos perdades o seu concerto o sábado 26 de marzo ás 12:00 hrs. na Praza da Constitución.
Agardámosvos!!!
BANDA DE GAITAS E PERCUSIÓNS DA ETRAD
FESTA DA RECONQUISTA DE VIGO
CONCERTO NA PRAZA DA CONSTITUCIÓN
SÁBADO 26 MAR. 12:00 HS
Ningún comentario:
Publicar un comentario