O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
24 marzo 2022
NOVAS VIGO. PRESENTACIÓN DO LIBRO: Pezas guapas para gaita, zanfona e acordeón de Xosé Manuel Fernández. Venres 25 MAR. Biblioteca EMAO. 19:00hs.
O venres 25 de marzo, ás 19 hrs. a Biblioteca da Escola Municipal de Artes e Oficios (EMAO) acolle a presentación do libro de partituras "PEZAS GUAPAS PARA GAITA, ZANFONA E ACORDEÓN". O acto contará coa presenza do autor, Xosé Manuel Fernández, músico, compositor e fundador do grupo Muxicas, que será presentado por Carlos Corral, mestre de Construción de Gaitas da EMAO. Durante a presentación faránse proxeccións de vídeo, música e fotografías.
Subscribirse a:
Publicar comentarios (Atom)
Ningún comentario:
Publicar un comentario