O Concello de Vigo, a través do Servizo de Educación pon en marcha a Escola Municipal de Música Folk e Tradicional (ETRAD), unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano. A ETRAD correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.
O mestre de Canto Popular Xisco Feijoó, acompañado polos mestres de Requinta e Corda Xose Liz e o mestre de diatónico Carlos Quintá, estarán poñendo parte da música do primeiro traballo discográfico de Xisco de nome ‘PEIXE’ no día do libro de O Carballiño adicado nesta volta ao Poeta Arcadio López-Casanova. Tendes máis info no cartaz que adxuntamos.
Ningún comentario:
Publicar un comentario