EXTRAESCOLARES ETRADVIGO 2022-23. CONCERTO DA ETRAD DE POA (CONXUNTO DE II DE AVANZADO). AUDITORIO MUNICIPAL DE VIGO. MÉRCORES 07/XUÑO DE 2023. 19:00H.

  

O vindeiro mércores 7 de xuño, o grupo POA, integrado polos estudantes de II curso do Itinerario Avanzado da ETRAD ofreceranos o Concerto da ETRAD tras tres meses de xira na que tierno ocasión de visitar palcos en diversas Asociacións,así como tamén na Festa da Reconquista. Será no Auditorio Municipal de Vigo ás 19:00hs.

 

POA, o grupo de Conxunto II de Avanzado preséntase en concerto cun repertorio creado ao longo de dous anos na asignatura de Conxunto I e Conxunto II de Avanzado. Ao Longo deste tempo, foro que de iren construíndo o seu particular hábitat estético que están en disposición de amosarnos o vindeiro mércores sete de xuño.

A música de POA é un diálogo aberto entre os instrumentos e as melodías tradicionais tanto cantadas como instrumentais sumado a unha intención: a do equilibrio entre a tradición, a re-creación e a actualización estética presente nuns arranxos que, o mesmo se concentran en retorcer as melodías como en buscar alianzas simbióticas que tornen monofonías individuais nun caleidoscopio coral cheo de pequenos matices que converten a POA nun deses abundantes muros de pedra seca presentes na paisaxe galega onde, nunha ollada lixeira, atopamos tanta diversidade vexetal, animal e de formas inorgánicas. 

POA son:

Beatriz Grande (zanfona), 

Antón Pombar (acordeón diatónico), 

Claudia Abril (voz e percusión)

Marina González (violín)

EXTRAESCOLARES ETRADVIGO 2022-23. 

CONCERTO DA ETRAD DE POA (CONXUNTO DE II DE AVANZADO). 

AUDITORIO MUNICIPAL DE VIGO.

MÉRCORES 07/XUÑO DE 2023.

19:00H. 

ENTRADA LIBRE E DE BALDE ATA COMPLETAR AFORAMENTO.